పశ్చిమగోదావరి జిల్లా మన్యం ప్రాంతంలో పంచాయతీ ఎన్నికల పోలింగ్ ప్రారంభమైంది. ఉదయం తొలి గంటలో పోలింగ్ మందకొడిగా సాగగా.. 9:00 నుంచి జోరుగా సాగింది. జీలుగుమిల్లి, బుట్టాయిగూడెం, పోలవరం, కుక్కునూరు, ఏలూరుపాడు మండలాల్లో.. తొలి గంటలో 10 శాతం ఓటింగ్ నమోదైనట్లు అధికారులు తెలిపారు. ఆయా పోలింగ్ కేంద్రాల వద్ద పోలీసులతో బందోబస్తు నిర్వహించారు. వృద్ధులు, వికలాంగులకు తొలి ప్రాధాన్యతనిస్తున్నారు. నక్సల్స్ ప్రభావిత ప్రాంతాల్లో పోలింగ్ ప్రశాంతంగా సాగుతోంది.
ఇదీ చదవండి: కార్పొరేటర్గా పోటీ చేస్తున్న తెదేపా మహిళ అభ్యర్థిపై దాడి
