ఉండ్రాజవరంలో పూర్తిస్థాయి లాక్​డౌన్​

కరోనా విజృంభణతో పశ్చిమగోదావరి జిల్లా ఉండ్రాజవరం మండలం అధికారులు అప్రమత్తమయ్యారు. మండలంలోని 15 గ్రామాల్లో పూర్తి లాక్​డౌన్​కు పిలుపునిచ్చారు. బంద్ కారణంగా గ్రామాల్లోని ప్రధాన రహదారులు నిర్మానుష్యంగా మారాయి.

కరోనా వ్యాప్తి దృష్ట్యా పశ్చిమగోదావరి జిల్లా ఉండ్రాజవరంలో అధికారులు లాక్​డౌన్ విధించారు. పాల కేంద్రాలు, ఔషధ దుకాణాలు మినహాయించి మిగిలిన అన్ని దుకాణాలు మూతపడ్డాయి. మండల పరిధిలోని 15 గ్రామాల్లో పోలీస్ బృందాలు గస్తీ తిరిగాయి. మండల కేంద్రం ఉండ్రాజవరంతో పాటు మండలంలోని గ్రామాల్లో గడిచిన వారం రోజుల్లోనే సుమారు యాభై కేసు నమోదు కావడంతో అధికారులు మరింత అప్రమత్తమయ్యారు. కేసు నమోదైన ప్రాంతాలను రెడ్ జోన్​గా ప్రకటించి దిగ్బంధం చేశారు.

ఇదీచదవండి