పశ్చిమగోదావరి జిల్లా పెదవేగి మండలం కూచింపూడి గ్రామంలో కొమ్ము కౌశిక్ ప్రమాదవశాత్తు నీటిగుంటలో పడి మృతి చెందాడు. శుక్రవారం గ్రామంలో తోటి పిల్లలతో కలిసి ఆడుకోవడానికి వెళ్లి.. అనంతరం ఒంటరిగా గ్రామానికి సమీపంలో నీటిగుంత వద్దకు బహిర్భూమికి వెళ్ళాడు. అక్కడ ప్రమాదవశాత్తు అందులో జారిపడిపోయాడు. తమ కుమారుడు కనిపించకపోయేసరికి తల్లిదండ్రులు అన్ని ప్రాంతాల్లో గాలించారు. అయినా ఎక్కడా ఆచూకీ లభించలేదు.
శనివారం ఉదయం గ్రామస్థులు బహిర్భూమికి నీటిగుంత వద్దకు వెళ్లగా అక్కడ కౌశిక్ మృతదేహం నీటిలో తేలుతుండటంతో సమాచారాన్ని కుటుంబసభ్యులకు తెలిపారు. సమాచారం అందుకున్న ఎస్సై నాగవెంకటరాజు వెంటనే అక్కడికి చేరుకుని మృతదేహాన్ని పరిశీలించి.. పోస్టుమార్టం నిమిత్తం ఏలూరు ప్రభుత్వాసుపత్రికి తరలించారు.
ఇదీ చూడండి..
