కార్మిక శాఖ మాజీ మంత్రి కింజరాపు అచ్చెన్నాయుడు అరెస్టుకు నిరసనగా సాలూరులో తెదేపా నేతలు నిరసనకు దిగారు. ఎమ్మెల్సీ గుమ్మడి సంధ్యారాణి, తెదేపా నియోజకవర్గ ఇన్ఛార్జి ఆర్పీ ధనుంజయ్దేవ్ ఆధ్వర్యంలో 26వ నెంబర్ జాతీయ రహదారిపై తెదేపా శ్రేణులు రాస్తారోకో నిర్వహించారు. ఈ సందర్భంగా అచ్చెన్నాయుడు అరెస్ట్పై నేతలు, కార్యకర్తలు ఆగ్రహం వ్యక్తం చేశారు. సీఎం జగన్ ప్రభుత్వం పరిపాలన చేతకాక తెదేపా నేతలపై వేధింపులకు దిగుతున్నారని ఆరోపించారు. ఇప్పటికైనా ప్రభుత్వం బుద్ధి తెచ్చుకొని అచ్చెన్నాయుడిని విడుదల చేయాలని డిమాండ్ చేశారు.
ఇవీ చూడండి... 'ఈ ప్రభుత్వానికి ప్రజలే బుద్ధి చెబుతారు'
