రూ. 2 కోట్ల విలువైన గంజాయి పట్టివేత

రికవరీ వ్యానులో రహస్య అరలను ఏర్పాటు చేసి అక్రమంగా గంజాయిని తరలిస్తున్న ఇద్దరు వ్యక్తులను విజయనగరం జిల్లా పార్వతీపురం పోలీసులు పట్టుకున్నారు. 800 కేజీల గంజాయిని స్వాధీనం చేసుకొని నిందితులపై కేసు నమోదు చేశారు.

విశాఖ మన్యం నుంచి బిహార్​కు అక్రమంగా తరలిస్తున్న గంజాయిని విజయనగరం జిల్లా పార్వతీపురం పోలీసులు పట్టుకున్నారు. ఏవోబీలోని గోచెక్క గ్రామ సమీపంలో అనుమానస్పదంగా వెళ్తున్న రికవరీ వ్యాన్​ను పోలీసులు తనిఖీ చేశారు. వ్యాను వెనుక భాగంగా రహస్య అరలను ఏర్పాటు చేసి 800 కేజీల గంజాయిని అక్రమంగా రవాణా చేస్తున్నారు. దీని విలువ సుమారు 2 కోట్లు ఉంటుందని సీఐ లక్ష్మణ్ రావు స్పష్టం చేశారు. ఇద్దరు నిందితులను అదుపులోకి తీసుకున్నామన్నారు.

ఇదీచదవండి: రేషన్ వ్యాన్ వద్ద లబ్ధిదారుల మధ్య తోపులాట.. రంగంలోకి పోలీసులు