నామినేషన్​ పత్రమంటూ విత్​డ్రా 'ఫాం'పై సంతకం చేయించారు

ఎంపీటీసీ అభ్యర్థిగా తెదేపా నుంచి ఓ వ్యక్తి నామినేషన్​ వేశారు. అంతా పూర్తయిందని తెలిశాకే ఇంటికి వెళ్లారు. అయితే కాసేపటికి అభ్యర్థి వద్దకు కొంతమంది వెళ్లి ఒక పత్రంపై సంతకం మర్చిపోయారని చెప్పారు. వెంటనే ఎంపీడీవో కార్యాలయానికి తీసుకెళ్లి ఒక పేపర్​పై సంతకం చేయించుకున్నారు. అయితే తర్వాత తెలిసింది తాను ఎంపీటీసీ అభ్యర్థిత్వాన్ని విత్​డ్రా చేశానని. ఈ ఘటన విజయనగరం జిల్లా పాచిపెంటలో జరిగింది.

విజయనగరం జిల్లా పాచిపెంట సెగ్మెంట్ మూడో ఎంపీటీసీ అభ్యర్థిగా తెదేపా నుంచి రామకృష్ణ గడి వలసలో నామినేషన్ వేశారు. అనంతరం పార్టీ నాయకులతో చర్చించిన తర్వాత రామకృష్ణ పని నిమిత్తం పొలానికి వెళ్లాడు. ఆ సమయంలో కొంతమంది వ్యక్తులు అతని వద్దకు వచ్చి ఒక పత్రంపై సంతకం చేయడం మర్చిపోయారని చెప్పి ఎంపీడీవో కార్యాలయానికి తీసుకెళ్లి.... ఒక పేపర్ మీద అతని సంతకం తీసుకున్నారు. అయితే తన ఎంపీటీసీ అభ్యర్థిత్వాన్ని విత్​డ్రా చేయించినట్లు గుర్తించిన రామకృష్ణ జరిగినదంతా తమ నాయకులకు వివరించారు. ఈ విషయమై బాధితుడు ఎన్నికల అధికారికి ఫిర్యాదు చేస్తామని చెప్పారు. ఇటువంటి అక్రమాలకు పాల్పడిన వారిపై కేసు వేస్తామని తెదేపా నియోజకవర్గ ఇం​ఛార్జీ​ వెల్లడించారు.

ఇదీ చూడండి: