మద్యం షాపులు తెరవడంపై గాంధీ విగ్రహానికి వినతిపత్రం

ప్రభుత్వం ప్రజా వ్యతిరేక విధానాలు అవలంబిస్తుందని జనసేన నాయకులు ఆగ్రహం వ్యక్తం చేశారు. విజయనగరంలో లాక్​డౌన్​ సమయంలో మద్యం దుకాణాలు తెరవడంపై వినూత్నంగా కలెక్టరేట్​ వద్ద గాంధీ విగ్రహానికి వినతిపత్రం అందించారు.

లాక్​డౌన్​ వేళ ప్రభుత్వం మద్యం దుకాణాలు తెరవడంపై విజయనగరంలో జనసేన నాయకులు ఆగ్రహం వ్యక్తం చేశారు. మద్యం విక్రయాలు నిలిపేయాలని డిమాండ్​ చేస్తూ వినూత్నంగా నిరసన తెలిపారు. కలెక్టరేట్​ ఆవరణలో గాంధీ విగ్రహానికి వినతిపత్రం అందించారు. రాష్ట్రంలో నియంత పాలన సాగుతుందని జనసేన నాయకులు మండిపడ్డారు. ప్రభుత్వం ప్రజాభిప్రాయాలకు, అభివృద్ధికి వ్యతిరేకంగా.. సంక్షేమానికి తూట్లు పొడిచేలా వ్యవహరిస్తుందని పేర్కొన్నారు. ఇదే కొనసాగితే తిరుగుబాటు తప్పదని హెచ్చరించారు. ఈ కార్యక్రమంలో జనసేన పార్టీ నాయకులు టి.రామకృష్ణ, రాజేష్, పి.కుమారస్వామి, పీవీ రాజశేఖర్ తదితరులు పాల్గొన్నారు.

ఇదీ చూడండి..