శ్రీకాకుళం జిల్లా వీరఘట్టం మండలం ఎం.రాజాపురం మండలానికి చెందిన సరస్వతీ అనే మహిళ.. కరోనాతో శ్రీకాకుళం జిల్లా నెల్లిమర్ల మిమ్స్ ఆసుపత్రిలో చేరింది. చికిత్స పొందుతూ శ్వాసపరమైన ఇబ్బందితో మృతి చెందింది. అప్పటికే ఆమె ఒంటి మీద 3.5 తులాల ఆభరణాలు ఉన్నాయని.. మృతురాలి బంధువులు చెబుతున్నారు.
ఆసుపత్రిలో మృతదేహాన్ని అంబులెన్స్లోకి ఎక్కించేముందు.. చూస్తామని చెబితే చూపించలేదని ఆరోపిస్తున్నారు. తమ ఊరికి వచ్చాక.. తగిన జాగ్రత్తలు తీసుకుని.. మృతదేహాన్ని దూరం నుంచి చూశామని.. బంగారం లేదని గుర్తించామని చెప్పారు. ఈ విషయంపై ఆసుపత్రి అధికారులను సంప్రదించగా.. గతంలో ఇలాంటి ఫిర్యాదులు రాలేదని.. ఘటనపై సంబంధిత సిబ్బందిని విచారణ చేస్తామని చెప్పారు.
ఇదీ చదవండి:
ఎందుకంత తొందర.. రాజధానిపై హైకోర్టు ఉత్తర్వులను అడ్డుకోం: సుప్రీం
