వేటకోసం వెళ్లి పొరుగుదేశం గార్డులకు చిక్కిన విజయనగరం జిల్లా తిప్పలవలసకు చెందిన ఎనిమిది మంది మత్స్యకారులు.. ఎట్టకేలకు ఇళ్లకు చేరారు. గత అక్టోబర్లో వేటకు వెళ్లిన వీరు... అలల తాకిడికి దారి తప్పారు. అదే సమయంలో బోటు ఇంజన్‌ పాడైపోయింది. అలా సముద్రంలోనే రెండు రోజులు గడిపారు.
జై జానకీరామ్..
సముద్రంలో అలాగే ముందుకు వెళ్తూ... బంగ్లాదేశ్ సరిహద్దుకు చేరుకున్నారు. తేరుకునే లోపు ఆ దేశ కోస్ట్గార్డ్లు వారిని చుట్టుముట్టారు. వస్తువులు లాక్కొని జైల్లో పెట్టారు. విషయం తెలుసుకున్న కుటుంబ సభ్యులు... నేతలు, అధికారుల చుట్టూ తిరిగారు. రాష్ట్ర ప్రభుత్వం కేంద్రానికి విషయాన్ని వివరించింది. స్పందించిన కేంద్రం.. మత్య్సకారులను స్వదేశానికి రప్పించేందుకు చొరవ చూపించింది. జానకీరామ్ అనే అధికారి.. బంగ్లాదేశ్ ఉన్నతాధికారులతో మాట్లాడి జైలు నుంచి విముక్తి కల్పించారు.
పండుగ రోజు
మత్స్యకారులు తిరిగి ఇళ్లకు చేరడంపై.. వారి కుటుంబాల్లోనే కాదు... గ్రామంలోనూ పండుగ వాతావరణం నెలకొంది. తమ పని అయిపోయిందని... స్వస్థలానికి రాలేమని అనుకున్నామన్నారు బాధితులు. ప్రభుత్వం సాయంగా నిలిచిందని ఆనందించారు.
ఇక ఆదుకోవాల్సింది ప్రభుత్వమే
బంగ్లాదేశ్ జైల్లో చాలా ఇబ్బంది పడ్డామని... ఆరోగ్యం పాడైపోయిందని మత్స్యకారులు వాపోయారు. ఇప్పుడు సముద్రంలోకి వేటకు వెళ్లే పరిస్థితి లేదన్నారు. ప్రభుత్వం ఆర్థిక సాయం చేయాలని, ఉపాధి అవకాశాలు చూపాలని మత్స్యకారులు వేడుకుంటున్నారు.
ఇదీ చూడండి:
