గర్భిణికి పురిటి నొప్పులు... 4 కిలోమీటర్లు డోలీలో మోసిన గ్రామస్థులు!

విజయనగరం జిల్లాలో గిరిజన గ్రామస్థులకు డోలీ కష్టాలు తీరడం లేదు. కొండల మీదుగా గర్భిణులు, రోగుల తరలింపు ఆగడం లేదు. ఈ క్రమంలోనే మరయ్యపాడుకు చెందిన గర్భిణిని 4 కిలోమీటర్లు డోలీలో మోసుకుపోయారు గ్రామస్థులు.

విజయనగరం జిల్లా సాలూరు మండలం మరయ్యపాడు గిరిజన గ్రామానికి చెందిన ఓ గర్భిణీని నాలుగు కిలోమీటర్లు డోలీలో మోసుకొచ్చారు. మైదానప్రాంతానికి తీసుకొచ్చిన తర్వాత అక్కడ నుంచి అంబులెన్స్‌లో భోగవలస పీహెచ్​సీకి తీసుకెళ్లారు. ఆమె బాబుకి జన్మనిచ్చింది. తమ గ్రామానికి రహదారి సౌకర్యం కల్పించాలని ఎన్నో ఏళ్లుగా గిరిజనులు మొరపెట్టుకుంటున్నా.. పరిస్థితిలో ఎలాంటి మార్పు లేదు. తమకు రహదారి మోక్షం ఎప్పుడు కలుగుతుందోనని ఆ గిరిజనులు ఆశగా ఎదురుచూస్తున్నారు.

ఇదీ చదవండి: 'తితిదేకు త్వరగా నూతన బోర్డును ఏర్పాటు చేయండి.. కాలయాపన వద్దు'