పది గంటల వ్యవధిలోనే దోపిడీ కేసు ఛేదన

విశాఖ మిథిలాపురి దోపిడీ ఘటనను పోలీసులు... పది గంటల వ్యవధిలోనే ఛేదించారు. నిందితుల నుంచి నగదు, చరవాణి, ద్విచక్రవాహనం స్వాధీనం చేసుకున్నారు.

విశాఖ మిథిలాపురి కాలనీలో శనివారం తెల్లవారుజామున ఓ వ్యక్తిపై ముగ్గురు దుండగులు దోపిడీకి పాల్పడ్డారు. అప్రమత్తమైన బాధితుడు పీఎం.పాలెం పోలీస్ స్టేషన్​లో ఫిర్యాదు చేశాడు. కేసు నమోదు చేసుకున్న పోలీసులు... పది గంటల్లోనే ఇద్దరు నిందితులను పట్టుకున్నారు. వీరిపై గతంలోనూ కేసులు నమోదైనట్లు తెలిపారు. నిందితుల నుంచి వెయ్యి రూపాయల నగదు, ఒక చరవాణి, ఒక ద్విచక్ర వాహనాన్ని పోలీసులు స్వాధీనం చేసుకున్నారు.

ఇదీచదవండి.