నర్సీపట్నంలో మరో రెండు కరోనా కేసులు..భయాందోళనలో ప్రజలు

నర్సీపట్నంలో సోమవారం రెండు కరోనా పాజిటివ్​ కేసులు నమోదయ్యాయి. బ్యాంకు కాలనీలో ఉన్న ఓ అపార్ట్​మెంట్​లో ఇద్దరికి పాజిటివ్​ వచ్చినట్లు అధికారులు గుర్తించారు. దీంతో ఆ ప్రాంతాన్ని కంటైన్మెంట్​ జోన్​గా ప్రకటించారు.

విశాఖ జిల్లా నర్సీపట్నంలో కరోనా పాజిటివ్​ కేసులు పెరుగుతున్నాయి. సోమవారం సాయంత్రం బ్యాంక్​ కాలనీలో రెండు పాజిటివ్ కేసులను అధికారులు​ గుర్తించారు. ఈ కేసులతో కలిపి పట్టణ మున్సిపాలిటీ పరిధిలో మొత్తం 10 కేసులు నమోదయ్యాయి. చాప కింద నీరులా పెరుగుతున్న కేసుల వల్ల పట్టణ ప్రజలు ఆందోళన చెందుతున్నారు. పట్టణ పురపాలక శాఖ అధికారులు, పోలీసులు, వైద్య ఆరోగ్య సిబ్బంది అప్రమత్తమయ్యారు. కొవిడ్​ కేసులు నమోదైన ప్రదేశాలను కంటైన్మెంట్​ జోన్లుగా ప్రకటించారు. పారిశుద్ధ్య పనులను ముమ్మరం చేశారు.

ఇదీ చదవండి :