విశాఖ ఏజెన్సీ నుంచి తెలంగాణకు గంజాయి సరఫరా

గంజాయిని తరలించటానికి నిందితులు కొత్త కొత్త పద్ధతులు ఎన్నుకుంటున్నారు. తాజాగా కారు ఇంజిన్​లో గంజాయిని అమర్చి రాష్ట్రం దాటించేందుకు నిందితులు ప్రణాళిక వేశారు. చివరకు పోలీసులకు చిక్కారు.

విశాఖ ఏజెన్సీ నుంచి తెలంగాణ రాష్ట్రానికి గంజాయి తరలించేందుకు నిందితులు కొత్త మార్గాన్ని ఎంచుకున్నారు. కారు ఇంజిన్​లో గంజాయిని తరలించేందుకు సిద్ధమయ్యారు. పోలీసుల తనిఖీల్లో పట్టుబడి కటకటాల పాలయ్యారు.

విశాఖ ఏజెన్సీ నుంచి తెలంగాణకు కారులో గంజాయి తరలిస్తున్నారనే సమాచారంతో సీలేరు పోలీసులు అప్రమత్తమయ్యారు. సీలేరు వద్ద వాహన తనిఖీలు చేపట్టగా కారు ఇంజిన్​లో భద్రపరిచిన గంజాయిని పోలీసులు గుర్తించారు. తెలంగాణ రాష్ట్రంలో సంగారెడ్డికి తరలించేందుకు సిద్ధం చేసిన 2 కిలోల చొప్పున 53 ప్యాకెట్లను స్వాధీనం చేసుకున్నట్లు సీఐ మురళీధర్ వివరించారు. నలుగురు నిందితులను అరెస్టు చేసి కారును స్వాధీనం చేసుకున్నారు. వీరంతా తెలంగాణలోని సంగారెడ్డి, కామారెడ్డి జిల్లాకు చెందినవారిగా గుర్తించారు.

ఇదీ చదవండి: మాతృత్వానికి మచ్చుతునక... ఆవుదూడకు పాలిచ్చిన శుకనం