విశాఖ జిల్లా చోడవరం మండలం అంకుపాలెం గ్రామంలో కబడ్డీ రాష్ట్ర అసోసియేషన్ అధ్వర్యంలో మహిళ, పురుషుల కబడ్డీ పోటీలు జరుగుతున్నాయి. ఈ పోటీల్లో 13 జిల్లాలకు చెందిన మహిళ, పురుష జట్లు తలపడుతున్నాయి. ఈ పోటీల్లో ఉత్తమ ప్రతిభ కనబర్చిన క్రీడాకారులను ఉత్తరప్రదేశ్లో జరిగే జాతీయ కబడ్డీ పోటీలకు ఎంపిక చేయనున్నట్లు కబడ్డీ రిఫరీల అసోసియేషన్ ఛైర్మన్ కె.బాలు, సమన్వయకర్త దాసులు పేర్కొన్నారు.
అంకుపాలెం గ్రామంలోని దుర్గదేవి తీర్థమహోత్సవం సందర్భంగా ఏటా కబడ్డీ పోటీలను నిర్వహిస్తున్నారు. ఈ పోటీలను చోడవరం పోలీస్ సర్కిల్ ఇన్ స్పెక్టర్ ఇలియాస్ మహమ్మద్ ప్రారంభించారు.
ఇదీ చదవండి: చీడికాడలో జిల్లా స్థాయి క్రికెట్ టోర్నమెంట్
