విశాఖ జిల్లా పాయకరావుపేట మండలం నామవరం రైతు భరోసా కేంద్రంలో విత్తనాల పంపిణీ చేపట్టారు. ఈ కార్యక్రమాన్ని పాయకరావుపేట ఎమ్మెల్యే గొల్ల బాబూరావు ప్రారంభించి... రాయితీపై విత్తనాలను రైతులకు సరఫరా చేశారు. ప్రభుత్వం ఏర్పాటుచేసిన రైతు భరోసా కేంద్రాలను సద్వినియోగం చేసుకోవాలని ఎమ్మెల్యే సూచించారు.
పాయకరావుపేట డివిజన్ పరిధిలో విత్తనాల పంపిణీ చేసేందుకు ఏర్పాట్లు చేస్తున్నట్లు వ్యవసాయ శాఖ అధికారులు తెలిపారు. సుమారు 20 వేల మంది రైతులకు 3,520 క్వింటాల విత్తనాలను అందించేందుకు సిద్ధంగా ఉంచినట్లు అధికారులు వెల్లడించారు.
