ఖేలో ఇండియా బాక్సింగ్‌లో పాల్గొనే క్రీడాకారుల గుర్తింపు కమిటీలో సభ్యునిగా తూర్పు కోస్తా రైల్వే క్రీడా సంఘం ప్రధాన కార్యదర్శి రెడ్డి శ్రీనివాసరావును నియమించారు. ఈ మేరకు వాల్తేర్ డీఆర్‌ఎం చేతన్‌కుమార్‌ శ్రీవాత్సవ్‌, రైల్వే క్రీడాధికారి ప్రదీప్‌ యాదవ్‌ ఆయనకు నియామక పత్రాన్ని అందజేశారు. భారతీయ రైల్వేలో తూర్పు, దక్షిణ జోన్ల పరిధిలోని ప్రతిభావంతులైన బాక్సర్లను ఈ కమిటీ గుర్తిస్తుంది. అనంతరం శిక్షణ శిబిరాలు నిర్వహించి.. ఖేలో ఇండియా క్రీడలకు పంపుతుంది. శ్రీనివాసరావు ప్రస్తుతం రైల్వే మహిళల సీనియర్‌ జట్టుకు కోచ్‌గా వ్యవహరిస్తున్నారు.
ఇదీ చదవండి: విశాఖ బీచ్లో ఉయ్ ఆర్ హియ‌ర్ ఫ‌ర్ యూ అంటున్న పోలీసులు
