చేతబడి చేస్తున్నాడనే నెపంతో...వ్యక్తి సజీవ దహనం

విశాఖ మన్యంలో అమానవీయ ఘటన జరిగింది. చేతబడి చేస్తున్నాడనే అనుమానంతో సజీవ దహనం చేసిన ఘటన విశాఖ మన్యంలో జరిగింది.

విశాఖ మన్యంలో చేతబడి చేస్తున్నారనే అనుమానంతో గిరిజనుడిని సాటి గిరిజనులే చిత్రహింసలు పెట్టి సజీవ దహనం చేశారు. డుంబ్రిగూడ మండలం పుట్టబంద గ్రామానికి చెందిన కిల్లి జయరాంను.. కొందరు గిరిజనులు పంచాయితీకి పిలిచారు. అక్కడికి వెళ్లగానే జయరాంను తాళ్లతో కట్టేసి కర్రలతో కొట్టారు. బాధితుడి భార్య, కుమార్తె ఎంతగా వేడుకున్నా కనికరించలేదు. 4గంటలపాటు చిత్రహింసలు పెట్టిన అనంతరం జయరాం కాళ్లు చేతులు కట్టేసి.... ఊరి నడిబొడ్డున కర్రలు పేర్చి అందులో వేసి సజీవదహనం చేశారని మృతుడి భార్య, కుమార్తె విలపిస్తున్నారు. అడ్డుకోబోయిన తమను చంపుతామని బెదిరించటంతో రాత్రికి రాత్రే వేరే గ్రామానికి వెళ్లి తలదాచుకున్నామని వాపోయారు. చేతబడి చేస్తున్నాడనే అనుమానంతో జయరాంను అమానుషంగా చంపేశారని ఆవేదన వ్యక్తం చేశారు.

ఇవీ చూడండి-'ఎన్నాళ్లీ 'డోలీ' కష్టాలు... అష్టకష్టాలు పడాల్సిందేనా?'