'ఓ వైపు చలి.. మరోవైపు వాన'.. కూల్​కూల్​గా హైదరాబాద్..!

Hyderabad Rains Today : ఓవైపు చలి వణికిస్తోంటే.. అగ్గికి ఆజ్యం పోసినట్లు మరోవైపు వాన ఊపందుకుంది. చలికాలంలో వర్షం ఏంట్రా బాబు అని తెలంగాణలోని హైదరాబాద్​ నగరవాసులు వణుకుతున్నారు. గురువారం అర్ధరాత్రి నుంచి నగరంలో వర్షం పడుతోంది. చలికి వాన తోడవటంతో ప్రజలు ఇళ్ల నుంచి బయటకు వచ్చేందుకు జంకుతున్నారు.

Hyderabad Rains Today: తెలంగాణలోని భాగ్యనగరం చిరుజల్లులతో చిత్తడి అవుతోంది. ఓ వైపు చలి.. మరోవైపు చిరుజల్లులతో నగరవాసులు గజగజ వణుకుతున్నారు. గత రెండు రోజుల నుంచి పొగమంచు దట్టంగా కురుస్తుండగా.. నేడు చిరుజల్లులు కురవడంతో ప్రజలు ఇళ్లకే పరిమితం అయ్యారు. నగరంలోని పలు ప్రాంతాల్లో వేకువజాము నుంచి వర్షం పడుతోంది. ఈ చలికాలంలో వర్షం ఏంట్రా అనుకుంటూ నగరమంతా వణికిపోతోంది.