విశాఖ జిల్లా నాతవరం మండలం గుమ్మడికొండ వద్ద జరిగిన రోడ్డు ప్రమాదంలో ఒక యువకుడు మృతి చెందాడు. మండల కేంద్రానికి చెందిన రామరాజు అనే వ్యక్తి ద్విచక్రవాహనంపై గుమ్మడికొండ బయలుదేరాడు. వర్షం పడుతుండటంతో వేగంగా వెళుతూ.. ఎదురుగా వస్తున్న ట్రాక్టర్ను ఢీకొన్నాడు. ఈ ఘటనలో అతడికి తీవ్ర గాయాలయ్యాయి. చికిత్స కోసం నర్సీపట్నం ప్రాంతీయ ఆస్పత్రికి తరలించారు. చికిత్స పొందుతుండగా రామరాజు మృతి చెందినట్లు ఆసుపత్రి వర్గాలు తెలిపాయి. నాతవరం పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చదవండి: చింతపల్లిలో ఐదుగురు మావోయిస్టు మిలిషియా సభ్యుల లొంగుబాటు
