'ప్రిన్సిపాల్​ చెర నుంచి మా పిల్లలను విడిపించండి'

విశాఖ మన్యం పాడేరులోని మారుమూల గిరిజన గురుకుల పాఠశాలలో తమ పిల్లలను చదువుకోవడానికి పంపిస్తే.. ప్రిన్సిపాల్​ తప్పుదారి పట్టిస్తున్నాడని తల్లిదండ్రులు ఆరోపించారు. విద్యార్ధిని తల్లితో పాటు 15 గ్రామాలకు చెందిన విద్యార్థుల తల్లిదండ్రులు ఐటీడీఏ వద్ద ఆందోళన చేపట్టారు.

విద్యాబుద్ధులు నేర్పించి విద్యార్థుల భవిష్యత్​కు బాటలు వేయాల్సిన ప్రిన్సిపాల్​ తమ పిల్లలను తప్పుదోవ పట్టిస్తున్నాడని విద్యార్ధుల తల్లిదండ్రులు ఆరోపిస్తున్నారు. పాడేరు ఐటీడీఏ పీవో బాలాజీ, అతని బంధువుపై చర్యలు తీసుకోవాలని డిమాండ్​ చేస్తున్నారు. తన బిడ్డను తనకు అప్పగించాలని.. చదువు కోసం విద్యార్ధిని పంపిస్తే మాయ మాటలతో లోబరుచుకున్నారని పోలీసులకు ఫిర్యాదు చేశారు.

ప్రిన్సిపాల్​ తీరు మారకపోగా.. మైనర్ బాలికలను మభ్యపెట్టి బయట తిప్పడంపై తల్లిదండ్రులు ఆగ్రహం వ్యక్తం చేశారు. ఇదే అంశంపై ప్రిన్సిపాల్​ను ప్రశ్నించగా తన తప్పు లేదని సమర్ధించుకున్నాడు. ఈ సంఘటన జరిగిన నాటి నుంచి విద్యార్ధిని కనిపించకపోవటం మరిన్ని అనుమానాలకు తావిస్తుంది. ప్రిన్సిపాలే తన కుమార్తెను బంధించాడని తల్లి ఆవేదన వ్యక్తం చేస్తోంది. ఈ ఘటనపై 15 గ్రామాల ప్రజలు పాడేరు ఐటీడీఏ వద్దకు చేరుకుని ఫిర్యాదు చేశారు. తమ పిల్లలను అప్పగించి పాఠశాల ప్రిన్సిపాల్, అతని బంధువులపై చర్యలు తీసుకోవాలని డిమాండ్​ చేశారు.

ఇవీ చూడండి...