రెండు ద్విచక్ర వాహనాలు ఢీ.. ఒకరు మృతి.. ఇద్దరికి తీవ్ర గాయాలు

ఎదురెదురుగా వస్తున్న రెండు ద్విచక్ర వాహనాలు ఢీకొన్న ఘటనలో ఓ యువకుడు మృతి చెందగా.. మరో ఇద్దరు వ్యక్తులకు తీవ్రగాయాలయ్యాయి. ఈ ప్రమాదం విశాఖ జిల్లా పాడేరు ఏజెన్సీలో జరిగింది. అతివేగమే ప్రమాదానికి కారణమని పోలీసులు తెలిపారు.

విశాఖ జిల్లా పాడేరులో ఎదురెదురుగా వస్తున్న రెండు ద్విచక్ర వాహనాలు ఢీకొన్నాయి. ఈ ప్రమాదంలో దాసరిపుట్టు గ్రామానికి చెందిన ఉదయ్ కుమార్ (22)అనే యువకుడు మృతి చెందగా.. మరో ఇద్దరు వ్యక్తులకు తీవ్ర గాయాలయ్యాయి. క్షతగాత్రులను పాడేరు ఏరియా ఆసుపత్రికి తరలించారు. అతివేగం వల్లే ఈ ప్రమాదం జరిగిందని పోలీసులు చెబుతున్నారు. కేసు నమోదు చేసుకుని దర్యాప్తు చేస్తున్నారు.

ఇదీ చదవండి: ఇంటి పన్నుల పెంపు రద్దు చేయాలని నిరసన..