కొవిడ్ సమయంలో రోగులకు మెరుగైన వైద్య సేవలు అందించేందుకు.. విశాఖ జిల్లా అనకాపల్లి ఎన్టీఆర్ ఆస్పత్రికి ఎమ్మెల్యే అమర్నాథ్ రూ.5లక్షలు విరాళం అందించారు. అసుపత్రిలో బాధితులకు అందుతున్న వైద్య సేవలపై ఆయన ఆరా తీశారు. ప్రస్తుతం ఆసుపత్రిలో 85 పడకలు ఉన్నాయి. వీటిలో 50 ఆక్సిజన్ పడకలు ఉన్నాయి. అదనంగా మరో 40 పడకలు ఏర్పాటు చేస్తున్నట్లు ఎమ్మెల్యే వివరించారు.
ఆస్పత్రిలో అత్యవసరంగా 15 ఆక్సిజన్ పడకలతో పాటు.. ఆసుపత్రిలో పనిచేస్తున్న పారిశుద్ధ్య కార్మికులకు అలవెన్స్ ఇవ్వడానికి, అంబులెన్స్ డ్రైవర్ల జీతాలు, ఆస్పత్రిలో లిఫ్ట్ మరమ్మతులకు గాను.. గుడివాడ గురునాధరావు ట్రస్ట్ తరపున రూ.5 లక్షల చెక్కును అందించారు. ఆసుపత్రి సూపరింటెండెంట్ డాక్టర్ శ్రావణ్ కుమార్ చెక్కు అందుకున్నారు.
ఇదీ చదవండి:
