విశాఖ జిల్లా భీమునిపట్నంలో ఐఎన్ఎస్ కళింగ సిబ్బంది సహకారంతో కొవిడ్ కేర్ సెంటర్ను ఏర్పాటు చేశారు. దానిని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు ప్రారంభించారు. కరోనా బాధితులను ఆదుకునేందుకు భీమిలి ప్రభుత్వాస్పత్రి డాక్టర్ల పర్యవేక్షణలో 60 పడకలతో పాటు 16 ఆక్సిజన్ బెడ్లు ఏర్పాటు చేశామని చెప్పారు.
అన్ని సదుపాయాలతో కొవిడ్ కేర్ సెంటర్ను ఏర్పాటు చేసిన కళింగ నేవీ సిబ్బందికి కృతజ్ఞతలు తెలిపారు. ప్రజలంతా స్వచ్ఛందంగా కొవిడ్ నిబంధనలు పాటించాలని కోరారు. ఐఎన్ఎస్ కళింగ చీఫ్ కమాండర్ నీరజ్ ఉదయ్, డీఎంహెచ్వో సూర్యనారాయణ, నాల్గవ వార్డు కార్పొరేటర్ దౌలపల్లి కొండబాబు, భీమిలి హెల్త్ ఆఫీసర్ సిద్దార్థ్, వైద్యాధికారులు, నేవీ సిబ్బంది పాల్గొన్నారు.
ఇదీ చదవండి:
మరో 2 నెలల్లో అదుపులోకి కరోనా... జులై 15 నాటికి 100 లోపు కేసులు!
