విశాఖ డైరీ వైస్ ఛైర్మన్ ఆడారి ఆనంద్ కుమార్ పుట్టిన రోజు సందర్భంగా యలమంచిలిలో మెగా రక్తదాన శిబిరాన్ని నిర్వహించారు. ఆనంద్ మిత్ర మండలి నాయకుడు వెంకట్ ఆధ్వర్యంలో ఏర్పాటు చేసిన ఈ కార్యక్రమంలో 500 మంది యువకులు స్వచ్ఛందంగా రక్తదానం చేశారు. మెగా ఆయుర్వేద, కంటి వైద్య శిబిరాలను ఏర్పాటు చేసి రోగులకు మందులను, కంటి అద్దాలను ఉచితంగా అందించారు. అలాగే పేదలకు దుప్పట్లను పంపిణీ చేశారు.
ఈ సందర్భంగా అన్ని దానాలలో రక్తదానం మంచిదని వెంకట్ పేర్కొన్నారు. కార్యక్రమాల్లో రాష్ట్ర గవర కార్పొరేషన్ చైర్మన్ బొడ్డేటి ప్రసాద్, మాజీ మున్సిపల్ చైర్ పర్సన్ పిల్ల రమాకుమారి, విశాఖ డైరీ డైరెక్టర్, తదితరులు పాల్గొన్నారు.
