విరామ సమయంలో విశాఖపట్నం సముద్రంలో ఇంజిన్ బోట్తో చేపల వేటకు వెళ్లిన ఓ వ్యక్తిని పోలీసులు అదుపులోకి తీసుకున్నారు. ఎర్రి పిల్లి నూకరాజుకు సంబంధించిన మెకానైజ్డ్ బోట్ నియమ నిబంధనలను అతిక్రమించి సాయంత్రం చేపల వేట సాగించింన కారణంగా పోలీసులు అదుపులోకి తీసుకున్నారు.
బోట్ను నిలిపేశారు..
విషయం తెలుసుకున్న పోర్టు మెరైన్ పోలీస్ సిబ్బంది ఫిషింగ్ హార్బర్కి తిరిగి వస్తున్న క్రమంలో సదరు పడవను మత్స్యశాఖ అధికారులు నిలిపివేశారు. అనంతరం పడవలో ఉన్న సుమారు 25 కిలోల చేపలను స్వాధీనం చేసుకున్నారు.
మత్స్యశాఖ ఆధ్వర్యంలో వేలం..
ఈ క్రమంలో మత్స్య శాఖ జేడీ ఆధ్వర్యంలో ఫీల్డ్ ఆఫీసర్ శ్రీకాంత్కు చేపలను అప్పగించి వేలం వేయించారు. నిషేధ సమయంలో మెకానైజ్డ్ పడవలతో చేపల వేట కొనసాగిస్తే చట్టపరంగా కఠిన చర్యలు తీసుకుంటామని మెరైన్ పోలీస్ స్టేషన్ సీఐ నరసింహారావు హెచ్చరించారు.
ఇవీ చూడండి : బెట్టింగ్ రాయుళ్లు అరెస్ట్.. రూ. లక్షా 70 వేలు స్వాధీనం
