సమయపాలన లేకుండా 24 గంటలు బార్లో మద్యం అమ్ముతున్నారని ఆరోపిస్తూ.. విశాఖపట్నం జిల్లా ఎలమంచిలిలోని ఓ బార్ ముందు జనసేన పార్టీ నియోజకవర్గ ఇంఛార్జ్ సుందరపు విజయ్ కుమార్ ఆందోళన చేశారు. ఈరోజు తెల్లవారుజామున 3 గంటల నుంచి ఉదయం 9 గంటల వరకు బార్ ఎదుటే నిరసనకు దిగారు. అధికార పార్టీ నేతకు చెందిన ఈ బార్ అండ్ రెస్టారెంట్లో రోజంతా మద్యం అమ్మకాలు సాగుతున్నాయని ఆయన ఆరోపించారు.
ప్రభుత్వ ఆదేశాల ప్రకారం ఒక గంటకు ముందే బార్ మూసివేసినా.. ఆ తర్వాత కూడా బార్లో మద్యం అమ్మకాలు జరుగుతున్నట్లు తెలిపారు. ఇదే విషయమై అధికారులకు ఎన్నిసార్లు ఫిర్యాదు చేసినా పట్టించుకోలేదని ఆవేదన వ్యక్తం చేశారు. సమయపాలన లేకుండా మద్యం విక్రయాలు చేస్తున్న బార్ను సీజ్ చేయాలని డిమాండ్ చేశారు. పోలీసులు పెద్ద ఎత్తున బార్ వద్దకు చేరుకున్నారు. అదే సమయానికి.. స్థానిక వైకాపా నాయకులు బార్ వద్దకు చేరుకుని జనసేన కార్యకర్తలతో వాగ్వాదానికి దిగారు. పోలీసులు ఇరు పక్షాల నాయకులను నిలువరించారు.
ఇదీ చదవండి:
