బోరు నుంచి వేడి నీళ్లు.. చూసేందుకు తరలివస్తున్న ప్రజలు

విశాఖ జిల్లా మాడుగుల మండలం చింతలూరులో ఓ ఇంట్లో ఉన్న బోరు మోటారు నుంచి వేడి నీళ్లు వస్తున్నాయి. విషయం గ్రామస్థులకు తెలియడంతో చూసేందుకు పెద్ద ఎత్తున తరలివస్తున్నారు. ఐదు రోజులుగా వేడి నీళ్లు వస్తున్నట్లు ఇంటి యజమాని చెబుతున్నాడు.

విశాఖ జిల్లా మాడుగుల మండలంలోని చింతలూరులో ఓ వింత ఘటన చోటుచేసుకుంది. గ్రామానికి చెందిన గూడెపు దేముడు తన నివాసంలో నాలుగేళ్ల క్రితం తాగునీటి కోసం ఇంట్లో బోరు బావి తవ్వించాడు. ఈ బోరు నుంచి ఐదు రోజులుగా వేడి నీళ్లు వస్తున్నాయి. మొదటి రోజు.. మోటరులో ఏదో సమస్య తలెత్తిందని భావించారు. కానీ ఐదురోజులుగా వేడి నీళ్ల ప్రవాహం కొనసాగుతూనే ఉంది. గ్రామస్థులు అది చూసేందుకు పెద్ద ఎత్తున తరలి వస్తున్నారు. మెకానిక్​ను తీసుకొచ్చి చూపించామని.. మోటారులో సమస్య లేదని చెప్పాడని ఇంటి యజమాని తెలిపాడు.

ఇదీ చదీవండి: vishakha steel protest: అఖిల పోరాట సమితికి మేయర్ సంఘీభావం