విశాఖ జిల్లా ఏజెన్సీ ప్రాంతం నుంచి బీహార్కు తరలిస్తున్న గంజాయిని అనకాపల్లి పట్టణ పోలీసులు స్వాధీనం చేసుకున్నారు. అనకాపల్లి రైల్వే స్టేషన్ నుంచి బీహార్కు సరఫరా చేస్తున్న ఇద్దరిని గుర్తించి అదుపులోకి తీసుకున్నట్టు అనకాపల్లి పట్టణ ఎస్సై రామకృష్ణ తెలిపారు.
ఏజెన్సీ ప్రాంతంలోని ఓ వ్యక్తి నుంచి గంజాయిని తీసుకున్నామని.. బీహార్లోని పాట్నాకు చెందిన రాజుషా, విశాల్ కుమార్షా అంగీకరించారన్నారు. వీరి నుంచి 18 కేజీల గంజాయిని స్వాధీనం చేసుకున్నామని.. నిందితులతో ఉన్న ఆరేళ్ల బాలుడిని చైల్డ్ హోమ్కి తరలించామని చెప్పారు. అసలైన నిందితుడి కోసం పోలీసులు గాలిస్తున్నామన్నారు.
బస్సులో తరలిస్తున్న గంజాయి పట్టివేత..
విశాఖ నుంచి కర్నూలుకి తరలిస్తున్న 12 కిలోల గంజాయిని ఎస్ఈబీ అధికారులు స్వాధీనం చేసుకున్నారు. మంగళగిరి కాజా టోల్ గేట్ వద్ద తనిఖీలు నిర్వహించారు. విశాఖ నుంచి కర్నూలుకు వెళ్తున్న ఆర్టీసీ బస్సులో ఇద్దరు వ్యక్తులు అనుమానాస్పదంగా కనిపించారు. వారి వద్దకు వెళ్లి తనిఖీ చేయగా 12 కిలోల గంజాయిని గుర్తించారు. విశాఖ జిల్లా చింతపల్లి నుంచి ఆ ఇద్దరు.. గిద్దలూరులో గంజాయి విక్రయించేందుకు వెళ్తున్నట్లు తేల్చారు. వీరు గతంలోనూ గంజాయిని విక్రయించినట్లు ఒప్పుకొన్నారని అధికారులు తెలిపారు.
ఇదీ చదవండి:
