ఉత్సాహంగా సాగిన ఈనాడు క్రీడా పోటీలు
విశాఖలో జరుగుతున్న ఈనాడు స్పోర్ట్స్ లీగ్ - 2019 పోటీలు ఘనంగా ముగిశాాయి. ఖోఖో, కబడ్డీ, పరుగు పందెం, బ్యాడ్మింటన్, వాలీబాల్, చెస్ విభాగాల్లో యువతీయువకులు ఉత్సాహంగా పాల్గొన్నారు. ముగింపు వేడుకలకు ఏయూ ఫిజికల్ బోర్డ్ డైరెక్టర్ ఎన్. విజయమోహన్, కబడ్డీ జిల్లా అసోసియేషన్ కార్యదర్శి శ్రీనివాస్, సీఎంఆర్ అధినేత మావూరి వెంకటరమణ హాజరై... విజేతలకు బహుమతులు అందజేశారు. కబడ్డీ యువకుల విభాగంలో బాసర కళాశాల, యువతుల విభాగంలో ఏఎస్ రాజా మహిళా కళాశాల జట్లు ప్రథమ స్థానంలో నిలిచాయి. వాలీబాల్ యువకుల విభాగంలో ప్రభుత్వ జూనియర్ కళాశాల, యువతుల విభాగంలో బాసర కళాశాల జట్లు గెలుపొందాయి. గ్రామీణ క్రీడాకారులను ప్రోత్సహించేందుకు ఈనాడు చేస్తున్న కృషికి భవిష్యత్లోనూ సహకారం ఉంటుందని సీఎంఆర్ అధినేత అన్నారు.
ఇదీ చదవండి:
