సీఆర్పీఎఫ్​, సివిల్​ పోలీసుల ఆధ్వర్యంలో వైద్య శిబిరం

విశాఖ మన్యంలో గిరిజనులకు సీఆర్పీఎఫ్​, సివిల్​ పోలీసులు సంయుక్తంగా ఉచిత వైద్య పరీక్షలు నిర్వహించారు. కార్యక్రమంలో 300 మంది గిరిజనులు ఈ సదుపాయాన్ని సద్వినియోగం చేసుకున్నారు. భవిష్యత్​లో మరింత సాయం అందిస్తామని పాడేరు డీఎస్పీ తెలిపారు.

విశాఖ జిల్లా జి.మాడుగుల మండలం నుర్మతిలో వైద్య శిబిరం ఏర్పాటు చేశారు. 'సివిల్​ సేవ యువహో' కార్యక్రమాల్లో భాగంగా మారుమూల ప్రాంతాల్లో సీఆర్పీఎఫ్​, సివిల్​ పోలీసులు సంయుక్తంగా వైద్య శిబిరం నిర్వహించారు. సీఆర్పీఎఫ్​ 198 బెటాలియన్​ వైద్యులు, గెమ్మేలి ఆసుపత్రి వైద్యులు ఈ కార్యక్రమంలో పాల్గొన్నారు. నుర్మతి, బీరం, బోయితలి పంచాయతీలకు చెందిన 300 మంది గిరిజనులు వైద్య సహాయం పొందారు. ఖరీదైన మందులను ఉచితంగా అందజేశారు. మారుమూల ప్రాంతాల్లో వైద్య సేవలు కల్పిస్తున్నామని... ఇకముందు మరింత సాయం గిరిజనులకు ఉంటుందని పాడేరు డీఎస్పీ రాజ్​కమల్​ చెప్పారు.

ఇదీ చదవండి :