స్వచ్ఛ సర్వేక్షణ్​పై చిన్నారుల చిత్రాలు..!

చిన్నారులు విశాఖ వాసులకు స్వచ్ఛ సర్వేక్షణ్​పై అవగాహన కల్పించేందుకు ముందుకొచ్చారు. జీవీఎంసీ కార్మికుల కృషిని తెలియజేసేలా... బొమ్మలు గీశారు. వారిని ప్రోత్సహించేందుకు చిన్నారులు గీసిన చిత్రాలతో... అధికారులు హోర్డింగ్​లు ఏర్పాటు చేశారు.

విశాఖ వాసులకు స్వచ్ఛ సర్వేక్షణ్​పై అవగాహన కల్పించేందుకు చిన్నారులు నడుం బిగించారు. టినీ బూపర్స్ పాఠశాలలో చిన్నారులు జీవీఎంసీ కార్మికుల కృషిని తెలియజేసేలా... చేతితో బొమ్మలు గీశారు. వారిని ప్రోత్సహించేందుకు జీవీఎంసీ అధికారులు.. చిన్నారులు గీసిన చిత్రాలతో హోర్డింగ్​లు ఏర్పాటు చేశారు. బీచ్​రోడ్​లో ఏర్పాటు చేసిన ఈ కార్యక్రమానికి జీవీఎంసీ అడిషనల్ కమిషనర్ సన్యాసిరావు హాజరయ్యారు. చిన్న వయస్సులోనే పరిశుభ్రతపై అవగాహన కలిగి ఉండటం స్పూర్తిదాయకమన్నారు. స్వచ్ఛ సర్వేక్షణ్​లో విశాఖను ప్రథమ స్థానంలో నిలిపేందుకు ప్రజలందరూ ఓటు వేయాలని కోరారు.

ఇవీ చూడండి...