వరద ముంపు ప్రాంతాల్లో సహాయక చర్యలు చేపట్టడంలో ప్రభుత్వ యంత్రాంగం పూర్తిగా విఫలమైందని ఉత్తరాంధ్ర పట్టభద్రుల నియోజకవర్గ ఎమ్మెల్సీ, భాజపా నాయకుడు పి.వి.మాధవ్ అన్నారు. విశాఖ జిల్లా చోడవరం, బుచ్చెయ్యపేట మండలాల్లోని వరద ముంపు ప్రాంతాల్లో ఎమ్మెల్సీ పర్యటించారు. చోడవరం మండలం కన్నంపాలెంలో నీట మునిగిన వరి, చెరకు పొలాలను పరిశీలించారు.
రైతులతో మాధవ్ మాట్లాడారు. క్షేత్రస్థాయి పరిశీలన చేసి ఆదుకోవాల్సిన యంత్రాంగం కార్యాలయాలకే పరిమితమవ్వడం వల్ల ముంపు బాధితులు ఆవేదన చెందుతున్నారన్నారు. నష్టపోయిన రైతులకు తక్షణమే పరిహారం అందించాలని డిమాండ్ చేశారు.
ఇదీ చదవండి : శారద పీఠానికి కొత్త లోగో రూపకల్పన.. ఆవిష్కరించిన పీఠాధిపతులు
