ఆరోగ్యకరమైన జీవనశైలితో క్యాన్సర్ జయించవచ్చన్న వైద్యులు
ఆరోగ్యకరమైన జీవన శైలితో క్యాన్సర్‌ను జయించవచ్చనే సందేశంతో.. అపోలో ఆస్పత్రి ఆధ్వర్యంలో విశాఖ ఆర్కే బీచ్లో భారీ ర్యాలీ చేపట్టారు. క్యాన్సర్ దినోత్సవాన్ని పురస్కరించుకుని నిర్వహించిన వాకథాన్‌లో.. వివిధ సామాజిక సంస్థల ప్రతినిధులు పాల్గొన్నారు. ఈ కార్యక్రమానికి పెద్ద ఎత్తున మహిళలు, యువత హాజరయ్యారు. ప్లకార్డులు పట్టుకుని కాన్సర్‌పై అవగాహన కల్పించారు. ధూమపానం, మద్యపానానికి దూరంగా ఉండాలని వైద్యులు సూచించారు.
