ఓ వ్యక్తిని మహిళ హతమార్చిన ఘటన శనివారం అర్ధరాత్రి విశాఖలో చోటు చేసుకుంది. నాయిని సంతోశ్(30) అనే వ్యక్తి.. భార్యాపిల్లలతో కలిసి విశాఖలోని మధురవాడలో నివాసముంటున్నాడు. సంతోశ్.. పండావీధిలోని సహీల్ ట్రేడింగ్ కంపెనీలో పని చేసేవాడు. ఈ క్రమంలో అక్కడే పనిచేస్తున్న భవానీ అనే మహిళతో పరిచయం ఏర్పడింది. ఈ నేపథ్యంలో శనివారం రాత్రి భవానీ ఫోన్ చేసి సంతోశ్ను ఇంటికి పిలిచింది. ఆ తర్వాత వారిద్దరి మధ్య ఘర్షణ జరిగింది. ఈ ఘర్షణలో భవానీ.. సంతోశ్ను కత్తితో పొడిచి హతమార్చింది.
వీరి మధ్య వివాహేతర సంబంధం ఉందని స్థానికులు చెబుతున్నారు. నిందితురాలి తండ్రి సమాచారం మేరకు వన్టౌన్ పోలీసులు.. ఘటనాస్థలానికి చేరుకుని భవానీని అదుపులోకి తీసుకున్నారు. పోలీసులు కేసు నమోదు చేసి దర్యాప్తు చేపట్టారు.
ఇదీ చదవండి..
