వైఎస్ జగన్ చేపట్టిన ప్రజా సంకల్ప యాత్ర మూడేళ్లు పూర్తి చేసుకున్న నేపథ్యంలో శ్రీకాకుళం జిల్లా టెక్కలిలో 'ప్రజల్లో నాడు – ప్రజల కోసం నేడు' పేరిట వైకాపా కార్యకర్తలు పాదయాత్ర చేపట్టారు. టెక్కలి నియోజకవర్గ ఇన్ఛార్జి దువ్వాడ శ్రీనివాస్ ఆధ్వర్యంలో కోటబొమ్మాళి మండలం కొత్తపల్లిలో పార్టీ జెండాను ఎగురవేశారు. అనంతరం అక్కడ నుంచి కోటబొమ్మాళి మండలం కొత్తపల్లి, రామేశ్వరం గ్రామాల మీదుగా గుడివాడ, చిన్నసాన, పులి బంద, రామూర్తిపేట-బమ్మిడి పేట , చుట్టి గుండం, కన్నెవలస వరకు పాదయాత్రగా తరలివెళ్లారు. ఈ కార్యక్రమంలో టెక్కలి నియోజకవర్గ వైకాపా శ్రేణులు, మహిళలు, అభిమానులు పెద్దఎత్తున పాల్గొన్నారు.
ఇవీ చూడండి : వైకాపాది ప్రజా సంకల్ప యాత్ర కాదు.. ప్రజా వంచన యాత్ర : జనసేన
