ఆగస్టు 2022 వరకు అందుబాటులోకి ఉద్దానం తాగునీటి ప్రాజెక్టు

పలు అభివృద్ధి పనులపై నరసన్నపేటలో అధికారులు సమీక్ష నిర్వహించారు. 700 కోట్లతో నిర్మించే శ్రీకాకుళం జిల్లా ఉద్దానం తాగునీటి ప్రాజెక్టు 2022 ఆగస్టు మొదటి వారానికి అందుబాటులోకి వస్తుందని ఆర్​డబ్ల్యూఎస్ సూపరింటెండెంట్ ఇంజనీర్ శ్రీనివాసరావు తెలిపారు.

నాడు-నేడు కార్యక్రమంలో భాగంగా గ్రామ సచివాలయ భవనాలు, రైతు భరోసా కేంద్రాలు, వెల్​నెస్ సెంటర్లు నిర్మాణాల ప్రగతిపై బుధవారం నరసన్నపేటలో ఆర్​డబ్ల్యూఎస్ సూపరింటెండెంట్ ఇంజనీర్ శ్రీనివాసరావు సమీక్షించారు. రూ.700 కోట్లతో నిర్మించే శ్రీకాకుళం జిల్లా ఉద్దానం తాగునీటి ప్రాజెక్టు 2022 ఆగస్టు మొదటి వారానికి అందుబాటులోకి వస్తుందని ఆయన తెలిపారు. ఆ దిశగా సన్నాహాలు చురుగ్గా జరుగుతున్నాయని వివరించారు. అలాగే శ్రీముఖలింగం రెండవ దశ పనులు కూడా చేస్తామన్నారు. గ్రామ సచివాలయాల నిర్మాణాలకు నియోజకవర్గాల వారీగా ఇంజనీరింగ్ శాఖలు బాధ్యత వహిస్తున్నట్లు తెలిపారు. జిల్లాలో మరో పదివేల మరుగుదొడ్ల నిర్మాణానికి చర్యలు చేపట్టామన్నారు.

ఈ సమావేశంలో పంచాయతీ రాజ్ డీఈ ఆర్. రామం పలువురు ఏఈ లు పాల్గొన్నారు.

ఇవీ చదవండి: పాముకాటుతో తల్లి, కుమార్తె మృతి