కరోనా ప్రభావం లేకపోయినా శ్రీకాకుళం జిల్లా పోలీసులు మరింత జాగ్రత్త పడ్డారు. జిల్లాలోని కొత్తపేట వద్ద ఏర్పాటు చేసిన చెక్పోస్టును ఎస్పీ అమ్మిరెడ్డి పరిశీలించారు. టెక్కలి, కోటబొమ్మాళి మండలం కొత్తపేట, నవభారత్‌ కూడలిలో తనిఖీ కేంద్రాలు ఏర్పాటు చేశామన్నారు. వివిధ ప్రాంతాల నుంచి వస్తున్న వారికి కరోనా పరీక్షలు చేసి... దగ్గరలోని రిలీవ్ కేంద్రాలకు పంపిస్తామని తెలిపారు. చెక్పోస్టుల వద్ద రెవెన్యూ సిబ్బందితో వాహనాలు సమకూర్చామని ఆయన పేర్కొన్నారు. లాక్డౌన్ ముగిసే వరకు ఆ కేంద్రాల్లోనే వీరిని ఉంచేందుకు తగిన చర్యలు తీసుకున్నట్లు తెలిపారు. నిత్యవసర సరకుల రవాణా పేరుతో అక్రమంగా ప్రవేశించే వారిపై చర్యలు తప్పవని హెచ్చరించారు.
ఇదీచూడండి. నరసన్నపేటలో వాకర్లు నడకలు..పీఎస్కు తరలింపు
