శ్రీముఖలింగేశ్వరుడికి చక్రతీర్థం

శ్రీకాకుళం జిల్లా జలుమూరు మండలం శ్రీముఖలింగ క్షేత్రంలో స్వామివారికి చక్రతీర్థాన్ని వైభవంగా నిర్వహించారు. భక్తులు లక్షలాదిగా తరలివచ్చి వంశధార నదిలో పుణ్యస్నానాలు ఆచరించారు.

కైలాసవాసుడు కొలువైన శ్రీకాకుళం జిల్లా జలుమూరు మండలం శ్రీ ముఖలింగం క్షేత్రంలో స్వామి వారికి చక్రతీర్థ స్నానాలు వైభవంగా జరిగాయి. వంశధార నదిలో ఈ ఉత్సవాన్ని నిర్వహించారు. స్వామివారిని ఆలయం నుంచి శోభాయమానంగా అలంకరించి ఊరేగించారు. భక్తులు లక్షలాదిగా తరలివచ్చి నీలకంఠుడిని దర్శించుకున్నారు. నదిలో పుణ్యస్నానాలు చేశారు. జిల్లా ఎస్పీ వెంకటరత్నం బందోబస్తును పర్యవేక్షించారు.