Paddy Purchases: ధాన్యం కొనుగోళ్లు జరగకపోతే ఉద్యమిస్తాం: ఎంపీ రామ్మోహన్

MP Rammohan On Paddy Purchases: వైకాపా సర్కారు ఆర్భాటం చేసేందుకే ధ్యానం కొనుగోలు కేంద్రాలు హడావుడిగా ప్రారంభించారని తెదేపా ఎంపీ రామ్మోహన్ నాయుడు అన్నారు. ధాన్యం కొనుగోళ్లు సక్రమంగా జరగకపోతే తెదేపా తరఫున ఉద్యమిస్తామని హెచ్చరించారు.

MP Rammohan On Paddy Purchases: ధాన్యం కొనుగోళ్లు జరగకపోతే తెదేపా తరఫున ఉద్యమిస్తామని తెదేపా ఎంపీ కింజరాపు రామ్మోహన్‌నాయుడు స్పష్టం చేశారు. ధాన్యం కొనుగోళ్లు జరుగుతున్న తీరుపై మాజీ ఎమ్మెల్యేలు గుండ లక్ష్మీదేవి, బగ్గు రమణమూర్తి, కలమట వెంకటరమణతో కలిసి శ్రీకాకుళం కలెక్టర్​ శ్రీకేశ్ లాఠకర్​కు వినతిపత్రం అందజేశారు.

తెదేపా ప్రభుత్వ హయాంలో రైతులకు ఇబ్బందులు ఉండేవే కాదన్న ఎంపీ.. వైకాపా సర్కారు ఆర్భాటం చేసేందుకే ధ్యానం కొనుగోలు కేంద్రాలు ప్రారంభించారన్నారు. రైతులను ఈ రకంగా అన్యాయం చేయటం తగదని ప్రభుత్వానికి హితవు పలికారు. సంక్రాంతి పండుగ ముందే డబ్బులు రైతులకు ఖాతాలో జమయ్యేలా ధాన్యం కొనుగోలు చేయాలని ఆయన డిమాండ్ చేశారు.

ఇదీ చదవండి