19 నెలల పాలనలో ప్రతిపక్షాలపై దౌర్జన్యాలు, తప్పుడు కేసులు పెట్టడం తప్ప వైకాపా ప్రభుత్వం సాధించేదేమీ లేదని ఎంపీ రామ్మోహన్‌నాయుడు అన్నారు. శ్రీకాకుళం జిల్లా పలాసలో తెలుగుదేశం కార్యకర్త వినోద్‌ అరెస్టును ఆయన ఖండించారు. తెలుగుదేశం పార్టీపై అభిమానంతో సామాజిక మాధ్యమాల్లో పోస్టులు పెడుతున్నారన్న అక్కసుతోనే తప్పుడు కేసులు బనాయించారని ఆరోపించారు. వినోద్‌ అరెస్టుకు నిరసనగా.... కాశీబుగ్గ పోలీస్‌స్టేషన్‌కు చేరుకున్న ఎంపీ.... ఏ కారణంతో అరెస్టు చేశారో చెప్పాలని డీఎస్పీని ప్రశ్నించారు. వినోద్‌ ఆచూకీపై ప్రశ్నిస్తే... పొంతన లేని సమాధానాలు చెబుతున్నారని ఆగ్రహం వ్యక్తం చేశారు.
ఇవీ చదవండి
