శ్రీకాకుళం కేఎఫ్​సీలో ఆహార భద్రతా అధికారుల తనిఖీలు

శ్రీకాకుళంలోని కేఎఫ్​సీలో ఆహార భద్రతా అధికారులు విస్తృతంగా తనిఖీలు నిర్వహించారు. హోటల్లోని ఆహార పదార్థాల శాంపిళ్లను సేకరించామని తెలిపారు. నాణ్యతా లోపాలున్నట్టు తేలితే.. కఠిన చర్యలు తీసుకుంటామని హెచ్చరించారు.

శ్రీకాకుళం రామలక్ష్మణ కూడలిలో ఉన్న కేఎఫ్​సీలో ఆహార భద్రతా అధికారులు విస్తృత తనిఖీలు చేపట్టారు. ఇటీవలి కాలంలో ఆహార పదార్థాల నాణ్యతపై అందుతున్న ఫిర్యాదుల మేరకు ఈ దాడులు చేశామని అధికారులు తెలిపారు.

ఆహార పదార్థాల నమూనాలు సేకరించామని.. వాటి పరీక్షా ఫలితాలు వచ్చిన తరువాతే చర్యలు తీసుకుంటామని వివరించారు. పట్టణంలోని అన్ని హోటళ్లు​, ఫాస్ట్ ఫుడ్ సెంటర్లు, ఆహార పదార్ధల తయారీలో నాణ్యతా ప్రమాణాలు పాటించాలని సూచించారు. లోపాలు కనిపిస్తే కఠిన చర్యలు తీసుకుంటామని హెచ్చరించారు.

ఇదీ చదవండి: