విద్యుదాఘాతంతో ఇంటికి నిప్పు.. రూ.6లక్షల ఆస్తి నష్టం

విద్యుదాఘాతం వల్ల ఓ ఇంటికి నిప్పంటుకుంది. సుమారు రూ.6లక్షల ఆస్తి నష్టం జరిగింది. ఇల్లు అగ్నికి ఆహుతి కావడంతో ఇంటి యజమాని కన్నీరుమున్నీరయ్యారు. ప్రభుత్వం ఆదుకోవాలని వేడుకుంటున్నాడు. ఈ ఘటన శ్రీకాకుళం జిల్లా బూర్జ మండలం తోటవాడలో జరిగింది.

శ్రీకాకుళం జిల్లా బూర్జ మండలం తోటవాడలోని ఓ ఇంట్లో విద్యుదాఘాతం వల్ల మంటలు చెలరేగాయి. ఇంట్లోని బంగారం, డబ్బులు, ధాన్యం, బట్టలు ఇతర సామగ్రి పూర్తిగా కాలి బూడిదయ్యాయి. అగ్నిమాపక సిబ్బంది ఘటనా స్థలానికి చేరుకుని మంటలు అదుపుచేశారు. ఈ ప్రమాదంలో సుమారు రూ.ఆరు లక్షల ఆస్తి నష్టం కలిగినట్లు గ్రామస్థులు చెబుతున్నారు. ప్రభుత్వమే తనను ఆదుకోవాలని బాధితుడు నక్క సూర్యనారాయణ వేడుకుంటున్నాడు.

ఇదీ చదంవడి: 'తెదేపా ఓటింగ్ పెరిగింది.. మరలా అధికారంలోకి వస్తాం'