లాక్డౌన్ నిబంధనలను ఉల్లంఘిస్తే ఎంతటివారినైనా ఉపేక్షించేదిలేదని ప్రకాశం జిల్లా ఎస్పీ సిద్ధార్ధ్ కౌశల్ అన్నారు. ప్రజలు అర్థం చేసుకుని పోలీసులకు సహకరించాలని కోరారు. చీరాల ఒకటవ పట్టణ పోలీస్ స్టేషన్లో పొలీస్ సిబ్బంది, హొంగార్డులకు బియ్యం, నూనె ప్యాకెట్లను ఎస్పీ సిద్దార్ కౌశల్ అందచేశారు. చీరాల పట్టణంలో బులెట్పై తిరుగుతూ విధులు నిర్వహిస్తున్న పోలీసులను ఉత్సాహపరిచారు. చీరాల నవాబ్ పేట, పేరాల ప్రాంతంలోని మసీద్ కూడలిలో రెడ్జోన్ ప్రాంతాలను పరిశీలించిన ఎస్పీ సిబ్బందికి పలు సూచనలు ఇచ్చారు. రెడ్జోన్ ప్రాంతాల్లో ఎటువంటి అనుమతులు లేవని, నిత్యవసర వస్తువులు సైతం అవసరమైతే ఇంటికే పంపిస్తామన్నారు. లాక్డౌన్ కాలంలో తమ విధులుకు ఆటంకం లేకుండా ప్రజలు సహకరించాలని కోరారు. ప్రజల కోసమే పోలీస్, వైద్య, మున్సిపల్ సిబ్బంది కష్టపడుతున్నారని దయచేసి అర్థం చేసుకుని ఇంటికే పరిమితం అవ్వండి అంటూ ప్రజలను ఎస్పీ కోరారు.
ఇదీ చదవండి :
