ప్రకాశం జిల్లా బల్లికురవ మండలం కొత్తూరు గ్రామపంచాయతీ ఎన్నికల్లో తెదేపా బలపరచిన సర్పంచ్ అభ్యర్థి మరియమ్మ భర్త అర్జున్ నాయక్... గ్రామ శివారులోని చెట్టుకు ఉరి వేసుకొని అనుమానాస్పద రీతిలో మృతి చెందిన ఘటనపై పార్టీ నేతలు తీవ్ర ఆవేదన వ్యక్తం చేశారు. విషయం తెలుసుకున్న అద్దంకి శాసనసభ్యులు గొట్టిపాటి రవికుమార్ సంఘటనా స్థలానికి చేరుకొని అర్జున్ నాయక్ పార్ధివదేహానికి నివాళులర్పించారు.
కుటుంబ సభ్యులను పరామర్శించి మృతికిగల కారణాలను అడిగి తెలుసుకున్నారు. వారి కుటుంబానికి పార్టీ తరఫున అన్ని విధాలుగా అండగా ఉంటామని భరోసా కల్పించారు. అర్జున్ నాయక్ అనుమానాస్పద మృతిపై పూర్తిస్థాయిలో విచారణ జరపాలని పోలీసు ఉన్నతాధికారులను కోరారు.
ఇదీ చదవండి:
