ఒంగోలులో ఉత్కంఠభరితంగా ఆంధ్ర, దిల్లీల మధ్య రంజీ మ్యాచ్

ఒంగోలు శర్మ కళాశాల మైధానంలో ఆంధ్ర, దిల్లీ టీంల మధ్య రంజీ మ్యాచ్ ఆసక్తికరంగా జరుగుతోంది. తొలిరోజు  మెుదటి ఇన్నింగ్స్​లో దిల్లీ జట్టు 215 పరుగులకు కుప్పకూలగా...ఆంధ్ర టీం 2 వికెట్ల నష్టానికి 16 పరుగులు చేసింది.

ప్రకాశం జిల్లా ఒంగోలు శర్మ కళాశాల మైధానంలో ఆంధ్ర, దిల్లీ టీంల మధ్య జరుగుతున్న రంజీ మ్యాచ్ ఉత్కంఠభరితంగా సాగుతోంది. మొదటి రోజు ఆంధ్ర టీం టాస్ గెలిచి... ప్రత్యర్థి జట్టును బ్యాటింగ్​కి ఆహ్వానించింది. ఆంధ్ర బౌలర్​ల ధాటికి 70.5 ఓవర్లలో 215 పరుగులకే దిల్లీ జట్టు కుప్పకూలింది. బౌలర్​ శశికాంత్ 20.5 ఓవర్లలో 38 పరుగులు ఇచ్చి 5 వికెట్లు తీసి దిల్లీ పతనాన్ని శాసించాడు. మరొక బౌలర్ విజయ్ కుమార్ 3 వికెట్లు తీశాడు. దిల్లీ జట్టు కెప్టెన్ నితీష్ రాణా, యాదవ్​లు అర్ధ శతకాలతో స్కోర్​ను రెండు వందలు దాటించారు. ఆ తర్వాత మొదటి ఇన్నింగ్స్ ఆరంభించిన ఆంధ్ర జట్టు... మొదటి రోజు ఆట ముగిసే సమయానికి 6 ఓవర్లలో 2 వికెట్ల నష్టానికి 16 పరుగులు చేసింది. కెప్టెన్ హనుమ విహారి క్రీజులో ఉన్నాడు.

ఇదీ చూడండి: చీరాలలో రసవత్తరంగా ఈనాడు స్పోర్ట్స్ లీగ్