నిషేధిత పొగాకు ఉత్పత్తుల అమ్మకాలపై రాష్ట్ర వ్యాప్తంగా పోలీసులు దాడులు చేపట్టారు. ఇందులో భాగంగా ప్రకాశం జిల్లా అద్దంకి ఎస్సై వి.మహేష్‌ ఆధ్వర్యంలో భవానీ కూడలి వద్ధ.. డి.వి. శ్రీనివాసరావు దుకాణంలో తనిఖీలు చేపట్టారు. ఆయన అందించిన సమాచారం మేరకు బల్లికురవ మండలం ముక్తేశ్వరం గ్రామానికి చెందిన టి. పరమేశ్వరరావు ఇంట్లో తనిఖీలు చేపట్టారు. అక్కడ లభ్యమైన పొగాకు ఉత్పత్తులను స్వాధీనం చేసుకున్నారు. అద్దంకి పట్టణానికి చెందిన మరో నిందితుడు సురేష్‌ ద్వారా తమకు సరకు అందినట్లు ఇద్దరు వ్యాపారులు వివరించారు. ఈ నేపథ్యంలో మొత్తం ముగ్గురిపై కేసు నమోదు చేసినట్లు డీఎస్పీ తెలిపారు. స్వాధీనం చేసుకున్న ఉత్పత్తుల విలువ రూ.40 వేల వరకు ఉంటుందని అంచనా వేశారు.
ఇదీ చదవండి..
