కొవిడ్‌ నుంచి రక్షణకు ప్రత్యేక ఏర్పాట్లు

కరోనా విస్తృతి నేపథ్యంలో స్టేషన్లకు వచ్చే ఫిర్యాదుదారులకు ఇబ్బంది లేకుండా ప్రత్యేకంగా రిసెప్షన్‌ కేంద్రాలు ఏర్పాటు చేసినట్లు ప్రకాశం జిల్లా ఎస్పీ సిద్ధార్థ్‌ కౌశల్‌ అన్నారు. ఇంకోల్లు, చినగంజాం పోలీసు స్టేషన్​ల్లో ఏర్పాటు చేసిన రిసెప్షన్ కేంద్రాలను ఆయన ప్రారంభించారు.

కరోనా మహమ్మారి నుంచి ప్రజలను, పోలీసులను రక్షించేందురు అధునాతన రిసెప్షన్​ కేంద్రాలు ఏర్పాటు చేస్తున్నట్లు ప్రకాశం జిల్లా ఎస్పీ సిద్ధార్ధ కౌశల్​ తెలిపారు. ఇంకోల్లు, చినగంజాం పోలీస్ స్టేషన్లలో ఏర్పాటు చేసిన రిసెప్షన్ కేంద్రాలను ఆన్ లైన్ ద్వారా ఆయన ప్రారంభించారు. ఈ కేంద్రాల వల్ల ప్రజలు, పోలీసులు కొవిడ్ బారిన పడకుండా రక్షణ ఉంటుందని ఎస్పీ సిద్ధార్థ్ కౌశల్ అన్నారు. బయట నుంచి వచ్చిన ఫిర్యాదుదారులకు, పోలీసులకు భద్రత కల్పించే విధంగా అధునాతన వసతులతో వీటి నిర్మాణం చేపట్టామన్నారు. ఈ సందర్భంగా పోలీసు అధికారులను, సిబ్బందిని ఎస్పీ అభినందించారు.

ఇవీ చదవండి: రాష్ట్రంలో కొత్తగా 8,601 కరోనా కేసులు