పోలీసుల కార్డన్ సెర్చ్​..వాహనాలు, మారణాయుధాలు స్వాధీనం

ప్రకాశం జిల్లా సింగరాయకొండలో పోలీసులు కార్డన్ సెర్చ్ ఆపరేషన్ చేపట్టారు. జిల్లా ఎస్పీ సిద్దార్థ్ కౌశల్ ఆదేశాల మేరకు సోదాలు చేసి సరైన పత్రాలు లేని వాహనాలు, మారణాయుధాలు స్వాధీనం చేసుకున్నారు.

ప్రకాశం జిల్లా సింగరాయకొండలో బాలాజీ నగర్, పోతుల చెంచయ్య కాలనీ, బాలిరెడ్డి నగర్​లో తెల్లవారుజాము నుంచి డీఎస్పీ ప్రసాద్ రావు ఆధ్వర్యంలో కార్డన్ సెర్చ్ నిర్వహించారు. ఈ సోదాలో సుమారు 125మంది పోలీసులు ప్రతీ ఇంటిని సోదా చేశారు. సరైన పత్రాలులేని 36 ద్విచక్ర వాహనాలు, ఒక ఆటోతో పాటుగా… 7 మారణాయుధాలైన వేట కొడవళ్ళు, కత్తులు స్వాధీనం చేసుకున్నారు.

ఈ తనిఖీల్లో డీఎస్పీతో పాటు, సింగరాయకొండ, టంగుటూరు, జరుగుమల్లి ఎస్సైలు, సిబ్బంది పాల్గొన్నారు.

ఇవీ చదవండి: నిందితుడి ఇంటిని ధ్వంసం చేసిన గుర్తు తెలియని వ్యక్తులు