ఆధార్కు ఫోన్ నంబర్ అనుసంధానం అయితేనే ప్రభుత్వ పథకాలు వర్తిస్తాయని ప్రభుత్వం చెప్పింది. దీంతో ప్రకాశం జిల్లా చీరాల నియోజకవర్గంలోని మీసేవా కేంద్రాల వద్ద ప్రజలు బారులుదీరారు. చీరాలలో మీ సేవ కేంద్రం వద్ద అధిక సంఖ్యలో గుమిగూడారు. ఉదయం నుంచి క్యూలో ఉన్నామని పలువురు లబ్ధిదారులు అంటున్నారు. ఇలా అధిక సంఖ్యలో జనాలు గుమిగూడటంతో కరోనా వ్యాప్తి చెందే ప్రమాదం ఉందని స్థానికులు వాపోతున్నారు.
చీరాల మండలంలోని కొన్ని గ్రామాల్లో మీసేవా కేంద్రాలు లేకపోవడంతో మీసేవ సెంటర్ వద్దే గంటలకొద్దీ ఉండాల్సి వస్తుందని పలువురు గ్రామస్థులు చెబుతున్నారు. గ్రామ, వార్దు సచివాలయాల్లోనే ఆధార్కు ఫోను నంబర్ అనుసంధానం చేసే విధంగా ఏర్పాటు చేస్తే తమకు ఈ ఇబ్బందులు తప్పుతాయంటున్నారు. అలాగే కొవిడ్ వ్యాప్తిని నిరోధించవచ్చని పలువురు అభిప్రాయపడుతున్నారు.
ఇదీ చదవండి..
