ప్రమాదవశాత్తు రైలు ఢీకొని వ్యక్తి మృతి

రైలు పట్టాలు దాటుతుండగా ప్రమాదవశాత్తు రైలు ఢీ కొని వ్యక్తి మృతి చెందిన ఘటన ప్రకాశం జిల్లా చీరాల మండలం ఈపురుపాలెంలో జరిగింది. ఈ ఘటనపై రైల్వే పోలీసులు కేసు నమోదు చేసుకుని దర్యాప్తు చేస్తున్నారు.

ప్రకాశం జిల్లా చీరాల మండలం ఈపురుపాలెం శివాలయంవీధికి చెందిన జి. విశ్వేశ్వర వరప్రసాద్ అనే వ్యక్తి రైలు పట్టాలు దాటుతుండగా... ప్రమాదవశాత్తు రైలు ఢీకొని మృతి చెందాడు. కాగా... ఏఆర్ కానిస్టేబుల్​గా పని చేస్తున్న తన కుమారుడు... అక్రమంగా మద్యం తరలిస్తూ పట్టుబడ్డాడు. ఈ ఘటనతో వర ప్రసాద్ మనస్తాపం చెంది ఆత్మహత్య చేసుకున్నాడని స్థానికులు చెబుతుండటం పలు అనుమానాలకు తావిస్తోంది. ఈ ఘటనపై రైల్వే పోలీసులు విచారణ చేస్తున్నారు.

ఇదీచదవండి.